top of page
tegninger

Innaallagisserinermi siunnersuineq


Greenland Electricity-p Kalaallit Nunaanni pitsaasumik innaallagisserinermi siunnersuineq suliaraa. Misilittakkat pigaagut arkitektinillu, ingeniørinik, entrepenørinik taamatullu bygherrinik suleqateqarneq misilittagaqarfigilluarlugu. Innaallagisserinermi sullissisarneq siunnersuisarnerlu tapertariissillugit aallutarigatsigit, Greenland Electricity-p siunissaq malinnaavigaa. Innaallagiaqarnerup tungaatigut ataqatigiissaarine susassaqaqataasunillu suleqateqarneq nuannarisuuarput, minnerunngitsumillu aaqqiissutissanut isumassarsiortuulluta.


Sanaartornernut ataqatigiissaarinernullu tamanut siunnersuisarpugut pilersaarusiortarlutalu.

 

​Sooq Innaallagisserinermi siunnersuineq pisariaqarpa?

Naammattoortuaannarpagut: ledningit toqqorsinnaasimasaraluit ersiinnartut.

 

Greenland Electricity-p siunertaraa sarfalersuinermi pitsaanerpaamik pilersaarusiorneq. Sanaartorfinni innaallagiaqarneq ullutsinni siornanit siuarsimanerujussuuvoq – iikkani ikkuffiit qullilerfiillu kisimi pineqaratik. Ilaatiguttaarmi eqqaasassat ilagaat atortorissaarutit ”nammineq” eqqarsarsinnaasut, silaannarissaatit, CTS anlægit, ABY, qulliit immikkut ikkussugassat, attaveqaatit, sillimaniarnermut kalerrisaarutit (AIA), Isissutissanik aqutsineq (ADK), ajornartoorfinni pinartoqartillugulu qaammaqqutit, minnerunngitsumillu ABA anlæg-it.

Tamakku tamarmik sanaartornerup, nutarsaanerup allanngorterinerulluunniit aallartinnginnerani sukumiisumik inissitsigassaapput. Tamassuma anguniarneranut arkitektit ingeniørinillu titartagaataat marseqqissaartarpagut, innaallagissamik ikkussuilluni suliaqartussap aallartinnginnerani kukkunerit aporaannerillu pisariaqanngitsut pinngitsoortinniarlugit.   

Tavlenik kabelinillu nalimmassaanernit teknikkikkut titartaanernut, taamatullu tamakkiisumik takussutissiornerit suliaraagut.

 

Pilersaarusiornitsinni pingaartitaraarput sullissat qanimut suleqatigalugit pilersaarusiornissaq, pineqartut piumasaasa pisariaqartitaasalu eqqorneqarnissai qulakkeerumallugit.​

​Innaallagisserinerup iluani siunnersuinermi pilersaarusiornermilu immikkut ilisimasaqarfigut tassaapput:​

  • Innaallagiaqarnerup tungaatigut pilersuiviit

  • Innaallagisserinissamut sanaartorfigiuminarsaanerit

  • Inissiani Intelligent House Control-inik ikkussuinerit

  • Sipaaruteqarsinnaanermik pitsanngorsaanerit

  • Qullernik ikkussuinerit

  • Kraftinstallationit

  • Sakkukitsumik innaallagisserinermi ikkussuinerit

  • Qaammaqqutinik ikkussuinerit

  • Attaveqarnikkut anlæg-it

  • Antenneanlæg-it

  • Kabelinik ingerlaarfisserinerit

  • Pumpenik aqutsinerit

  • Sanaartukkani ikkussuinerit

  • Qaammaqqutit tungaatigut teknikki

  • Erngup ingerlaarfiinik kissartulersuinerit

  • ADK (Isissutissanik aqutsinerit)

  • ABA (Ikuallattoorsinnaanermik sillimaniarneq)

  • AIA (Tillinniartoqarnissaanut sillimaniarneq)

  • TVO (TV-kkut upalungaarsuutit)

Suliarinnittussarsiuussinerit, siunnersuutit nakkutilliinerillu

Greenland Electricity-p isumaqatigiissusiornikkut suliarinnittussarsiuussat pingaarnerit tamakkiisullu suliarisarpai, taamatuttaarlu nakkutilliinerit – pisariaqartillugulu malittareqqiinerit isumaqatigiissutinillu qaqileqqiinerit.

Suleqatigut innaallagisserinerup iluani, taamatullu aalajangiussanik inaarsaanerup iluani, ukiorpassuarni misilittagaqartuupput. Suliassamik aallartisaaniaruit, siunnersortikkusukkuit allanilluunniit ikiorsinnaagutsigit, attavigisigut: e-mail: info@grl.gl sianerlutilluunniit pisussaaffiligaanngitsumillu oqaloqatigaluta, +299 32 29 90. ​

Ullut tamaasa arfineq pingasuniit Sisamat tungaanut ammasarpugut.

bottom of page